دخلت النهاردة وأنا ناوية أحذف المدونتين بتوعى
بعد تفكير كبير
بس بجد مقدرتش
معرفتش
حسيت بجد أنهم بقوا جزء منى
حسيتهم ولادى
وأد أية كانوا بيعبروا عنى
حسيت بمدى صدقى ونيتى الكويسة فيهم
فعدلت قرارى بعد فشل محاولتى
و أخيرا قررت أقفلهم للأبد
هسيبهم ذكرى
يمكن يفكرونى فى يوم بمروة الزارع
وكنت عاوزة أقولكم
بجد حبيتكم كلكم
عشقت عالم التدوين والمدونين
بجد حسيتكم
أتعلمت منكم كتير
كان نفسى أفضل معاكم
كان نفسى أستمر مروة الزارع
بس مش كل حاجة نفسنا فيها بنعملها
وساعات الظروف بتكون أقوى مننا
وبجد حاجات كتير ممكن تمنعنا
من كل حاجة عاوزينها
كل حاجة بنتمناها
حتى يفضل أسمنا أسمنا
وملامحنا ملامحنا
كتير ممكن نفقد دعامتنا فى الحياة
كتير ممكن تقسم قشة ظهر بعير
كتير ممكن نمشى فى طريق مرغمين
أو نغادر طريق برضة مرغمين
مرغمين بجد
كان جوايا حاجات كتير كنت عاوزة أقولها
كان جوايا أفكار حلوة كتير كان نفسى أطلعها للنور
كان جوايا حب كبير ومشاعر كتير
لناس كتير كان نفسى يحسوها
بجد غصب عنى
بشكر كل الناس اللى حبتها وحبونى
اللى قابلتهم واللى مقابلتهمش
كل اللى حسيتهم
كل اللى أتعلمت منهم حاجات حلوة كتير
بجد حبتكم أوى
وبجد علمتوا فى مروة الزارع أوى
وبوعدكم
لو فى يوم أفتكرت مروة الزارع
أكيد هفتكركم
وهفتكر حبكم
12 comments:
اوعى يامروة تسيبى عالم التدوين وتسيبة ليه دى الحاجة الوحيدة اللى بنفرغ فيها همومنا والامنا واتمنى لكى التوفيق
مش حلو خالص بالنسبة ليا إنى أبقى أول تعليق فى بوست هتسبينا فيه
يمكن معرفش الملابسات إيه
ومش فاهمة سبب قرارك
لكن عايزة أقولك حاجة واحدة
يكفيك إنك سبتى حاجة متكسفيش منها
حاجة تفرحى بنفسك لما تشوفيها
باشمهندسة مروة
أتمنى ألا يكون قرارك هذا على الرغم منك
وبالله عليك إذا سمحت لكى الفرصة لكى تعودى
فعودى
فنحن با نتظارك
مش من حقك تسيبي التدوين
القرار ده خطير ومحتاج تفكير منك اكتر من كدة
رجاء اعادة التفكير
لا احد يعرف الدافع وراء هذا
ربما كان اقوى واكبر منك
ربنا يصطدم باولويات أخرى لا نعلمها
لكن واضح انك بين امرين عليك ان تختارى احدهما
ربنا يوفقك
وان لم تكتبى
ابقى ادخلى علقى عند الناس
تحياتى
اوعي تسيبي التدوين دي فعلا الحاجة الوحيدة اللي الواحد بيقدر يقول فيها كل اللي هو عاوزة
استهدي باللة كده وسيبك من اللي في دماغك ده
تحياتي ليكي
العزيزة
مروة
طبعا انا مش هقول زى من سبقنى اوعى
تسيبى التدوين ..لا براحتك خدى وقتك
وفكرى بهدوء وانا متاكد من القرار ربما
نمر فى لحظات بحالة من الملل او الزهق ولكن اكيد سوف تزول
مروة لقد قررت ذلك من قبل بعد عملية سطو على مدونتى فى مكتوب والاساءة الى بعض من اعتز بهم ولك ان تتخيلى كنت كرهت صورتى التى كتب امامها هذه التعليقات وبعد فترة تفكير قلت اغير جيت البلوج وجيران والحمد لله تعرفت على المزيد من الاصدقاء ورب ضارة نافعة كانت كل علاقاتى باهل مكتوب فقط الان توسعت المعارف وانا سعيد بهذا فجربى وحاولى ان تستفيدى بما مر بى لو كان هناك سبب مشابهه
بالرغم من اني معرفكيش وانتي متعرفنيش بس بجد اوعي تعملي كدا انتي انسانه احترمتها قوي كل انسان بيبان من اللي بيكتبه وربنا يوفقك.
ارجعي بقى كفايه كده يا مروه
مروة الزارع :
اولا احب انى اقولك ان الحالة دى اصبتنا كلنا ، فعلا كتير مننا جالة الوقت اللى فكر فية يعمل ديليت لمدونتة ومايكتبش تانى لكن اولا واخيرا القرار راجع ليكى انتى مش لحد تانى ياريت تاخدى وقتك الكافى جدا
بس احب انى اوضحلك شىء
برغم انى ما اعرفش سبب تفكيرك فى الانتاء من التدوين الا ان التدوين هو الحاجة الوحيدة اللى بنعبر فيها عن رأينا بكل صرحة والمدونة هى المكان الوحيد اللى بناقبل فية ناس قريبة جدا من نفس تفكيرنا وثقافتنا
يبقى ازاى اسيب كل الناس اللى بيحبونى دول برغم انهم لا شافونى ولا انا شوفتهم وبيحبونى للدرجة دى واقولهم مع السلامة من واجبك انك تفكرى فى كل دا
وبدل ماتعملى ديليت لمدونتك اعملى ديليت للحاجات اللى مش هاتفيدك او اللى بتجرحك
واعتقد ان المدونة هاتفيدك وان ما فاديتكيش يبقى بتعرفك بناس على قدر
من التفهم ليكى ولتفكيرك
ارجو ان زيارتى ماتكونش الاخيرة وارجو من الله انى اجى المرة الجاية الاقى بوست كلة تفاؤل وكلة كلام غير انك هاتتركى التدوين
تحياتى ليكى
محمد فوزى
السلام عليكم
مروة الزارع
استخرتي ربنا قبل القرار ولا اضطرارك خلاكي تستعجلي القرار ؟
تأكدي انك متسرعتيش في اخد القرار
تحياتي لك ِ ولضيوفك الكرام
آدم
اول زياره الاقيكى هتمشى
اقولك اعملى زيى خدى اجازه بس خليكى موجوده
يمكن فى يوم تحتاجى تكونى موجوده
تحياتى
السلام عليكم
اول زيارة للمدونة كده ألاقيكى قررتى تبطلى تدوين
يعنى هتبقى الاولى والأخيرة ولا ايه ؟
Post a Comment